தேர்தல் 2026 – சென்னை மாவட்ட வேட்பாளர்கள் செலவு தொகைக்கான விபரங்கள் வெளியீடு

தமிழக சட்டமன்ற தேர்தல் தேதி அறிவிக்கப்பட்டதை தொடர்ந்து, தேர்தல் களம் சூடுபிடிக்க தொடங்கியுள்ளது. மேலும், தேர்தல் ஆணையம் பல்வேறு நடவடிக்கைகளில் தீவிரம் காட்டவும் தொடங்கியுள்ளது. அதன்படி, சென்னை மாவட்டத்தில் உள்ள 16 சட்டமன்றத் தொகுதியில் போட்டியிடும் வேட்பாளர்கள் எந்த எந்த பொருட்களுக்கு, எவ்வளவு செலவு செய்ய வேட்னும், என்ற விபரத்தை தேர்தல் ஆணையம் வெளியிட்டுள்ளது

சென்னை ரிப்பன் மாளிகையில் நடைபெற்ற அங்கீகரிக்கப்பட்ட அரசியல் கட்சி பிரதிநிதிகள் ஆலோசனை கூட்டத்தில் இந்த செலவுகளுக்கான விபரம் அடங்கிய கையேடு வழங்கப்பட்டது. அதன் விபரம் வருமாறு:

பிளாஸ்இக் இருக்கை ஒன்றுக்கு வாடகை ரூ.11, சொகுசு இருக்கைக்கு ரூ.165, சோபா ஒன்றுக்கு ரூ.380 என நிர்ணயிக்கப்பட்டுள்ளது.

கட்சி கொடி, தோரணத்துக்கு (ஒரு பாக்கெட்) ரூ.40, வாழை மரம் ஒன்றுக்கு ரூ.750, ஆயிரம் வாலா பட்டாசுக்கு ரூ.650, மேள தாளம் 4 மணி நேரத்துக்கு ரூ.6500, குதிரைகளை பயன்படுத்தினால் 4 மணி நேரத்துக்கு ரூ.6000 செலவு செய்ய வேண்டும்.

கரகாட்டம், மயிலாட்டம், மேளம், நாதசுவரம் என 3 மணி நேரத்துக்கு ரூ.11 ஆயிரமாக நிர்ணயிக்கப்பட்டுள்ளது.

சால்வை ஒன்றுக்கு ரூ.150, ஆப்பிள் மாலை அணிவித்தால் ஒரு ஆப்பிள் ரூ.35, பூ மாலை பெரியது ரூ.400, தேங்காய் நடுத்தர அளவு ரூ.30, எலுமிச்சை பழம் ஒன்று ரூ.5, சேலை (பூணம்) ஒன்று ரூ.250, டீ-சர்ட் ஒன்று ரூ.200 என நிர்ணயிக்கப்பட்டுள்ளது.

சிறிய தண்ணீர் பாட்டிலுக்கு ரூ.7, 20 லிட்டர் தண்ணீட் பாட்டில் ரூ.35, வெஜிடபிள் உணவு மற்றும் வெரைட்டி ரைஸ் பாக்ஸ் ரூ.50, நொருக்குதீனி (இலர் பழம் தவிர்த்து ) 100 கிராமுக்கு ரூ.50, இனிப்பு 100 கிராமிற்கு ரூ.90 எனவும் நிர்ணயிக்கப்பட்டுள்ளது.

டெம்போ டிராவல்ஸ் வேனுக்கு 15 மணி நேரம் அல்லது 150 கி.மீ தூரத்துக்கு ரூ.6700, குளிர்சாதனை வசதியில்லாத டூரிஸ்ட் கார் பயன்பாட்டுக்கு 15 மணி நேரம் அல்லது 150 கி.மீ தொலைவுக்கு ரூ.3300 எனவும், குளிர்சாதன வசதியுள்ள டூரிஸ்ட் கார் பயன்படுத்தினால் 150 கி.மீ அல்லது 15 மணி நேரப் பயன்பாட்டுக்கு ரூ.3400 எனவும் நிர்ணயிக்கப்பட்டுள்ளது. அதில், இன்னோவா, டவேரா, சைலோ ஆகிய வகை கார்களை பயன்படுத்தினால் 15 மணி நேரம் அல்லது 150 கிலோ மீட்டர் தொலைவுக்கு ரூ.5250 என செலவிடலாம் என தெரிவிக்கப்பட்டுள்ளது.