உலகக் கோப்பை கால்பந்து தொடர் 2026 – ஆஸ்திரேலியாவை வீழ்த்தி ரவுண்ட் ஆப் 16 சுற்றுக்கு தகுதி பெற்ற எகிப்து

பிஃபா உலகக்கோப்பை கால்பந்து தொடரில் நாக் அவுட் சுற்று ஆட்டம் நேற்று அமெரிக்காவின் டல்லாஸ் மைதானத்தில் நடந்தது. இதில் ஆஸ்திரேலியா – எகிப்து அணிகள் மோதின.

ஆட்டம் தொடங்கி 13வது நிமிடத்தில் எகிப்து அணியின் எமாம் ஆஷவுர் ஒரு கோல் அடித்தார். இதன் பின் முதல் பாதியில் வேறு யாரும் கோல் அடிக்காததால் 1-0 என எகிப்து முன்னிலையில் இருந்தது. போட்டியின் 2வது பாதியில் எகிப்து அணியின் முகமது ஹானி சேம் சைடு கோல் போட்டார். இதனால், ஆஸ்திரேலிய அணிக்கு ஒரு கோல் கிடைத்தது. போட்டி 1-1 என்ற நிலைக்கு வந்தது. இதன்பின் இரு அணிகளும் கோல் அடிக்கவில்லை.

இதனை தொடர்ந்து கூடுதலாக அரை மணிநேரம் ஒதுக்கீடு செய்யப்பட்டது. கூடுதல் நேரத்திலும் கோல் அடிக்கப்படவில்லை. எனவே ஆட்டம் பெனால்டி ஷூட்அவுட் முறைக்கு சென்றது. இதில் 2-4 என்ற கோல் கணக்கில் ஆஸ்திரேலிய அணியை வீழ்த்தி ரவுண்ட் ஆப் 16 சுற்றுக்கு எகிப்து தகுதி பெற்றது. ஆஸ்திரேலியா தொடரில் இருந்து வெளியேறியது.