அப்போலோ மருத்துவமனை தனது ஏர் ஆம்புலன்ஸ் சேவைகளை விரிவுபடுத்துகிறது: இந்தியா மற்றும் வெளிநாடுகளில் அவசர சிகிச்சையை விரைவாகப் பெற வழிவகை செய்யப்பட்டுள்ளது!

• நோயாளிகள் இருக்கும் இடத்தில் இருந்து மருத்துவமனைக்கு செல்லும் பயணத்தை எளிதாக்கவும், அத்தருணங்களில் மருத்துவக் குழுவுடன் நோயாளியின் நிலை மற்றும் அதற்கேற்ற மருத்துவ சிகிச்சைகளின் ஒருங்கிணைப்பை மேம்படுத்தவும் மற்றும் பயணச் செலவுகளைக் குறைக்கவும் அப்போலோ மருத்துவமனை பல ஏர் ஆம்புலன்ஸ் நிறுவனங்களுடன் புரிந்துணர்வு ஒப்பந்தங்களை  (MoUs) கையெழுத்திட்டுள்ளது.

• புரிந்துணர்வு ஒப்பந்தம் மேற்கொள்ளப்பட்ட நிறுவனங்கள் மூலம் இயக்கப்படும் அனைத்து ஏர் ஆம்புலன்ஸ் இடமாற்றங்களுக்கும் '1066 EMS' ஒற்றை சாளர ஒருங்கிணைப்பு புள்ளியாகச் செயல்படும்.

சென்னை, 30 மார்ச் 2026: அப்போலோ மருத்துவமனை, இந்தியா மற்றும் சர்வதேச நாடுகளுக்கு இடையே ஒருங்கிணைந்த வான்வழி மருத்துவப் போக்குவரத்து மூலம் உயர்தர அவசர சிகிச்சைகளை எளிதில் பெறுவதற்காகவே கட்டமைக்கப்பட்ட ஒரு முறையான திட்டத்தை இன்று அறிவித்துள்ளது. கடந்த சில மாதங்களாக, அவசர மருத்துவ உதவி தேவைப்படுபவர்களுக்கான இடமாற்றச் சேவைகளை எளிதாக்கவும் வலுப்படுத்தவும் பல உள்நாட்டு மற்றும் சர்வதேச ஏர் ஆம்புலன்ஸ் சேவை நிறுவனங்களுடன் அப்போலோ மருத்துவமனை புரிந்துணர்வு ஒப்பந்தங்களை மேற்கொண்டுள்ளது. அப்போலோவின் '1066 அவசரக்கால உதவி மையத்தின்' (Emergency Response Network) மூலம் ஒருங்கிணைக்கப்படும் இந்த முயற்சி, பல்வேறு சேவை நிறுவனங்களை ஒன்றிணைத்து விரைவான மற்றும் திட்டமிடப்பட்ட இடமாற்றங்களை எளிதில் சாத்தியமாக்குகிறது.

இந்த அதிகாரப்பூர்வக் கூட்டு செயல்பாடுகளின்  மூலம், அவசர மருத்துவப் போக்குவரத்தில் நீண்டகாலமாக இருந்து வரும் இடைவெளிகளை அப்போலோ மருத்துவமனை நிவர்த்தி செய்ய முயற்சி செய்து வருகிறது. குறிப்பாக, தொலைதூரப் பகுதிகளிலிருந்து நோயாளிகளை அழைத்து வருவதில் உள்ள சிக்கல்கள், அதிகப்படியான செலவு மற்றும் முறைசாரா இடைத்தரகர்களைச் சார்ந்திருக்கும் நிலையை மாற்றி, இந்தச் சேவையைத் தேவைப்படும் நோயாளிகளுக்கும் அவர்களது குடும்பங்களுக்கும் எளிதில் கிடைக்கச் செய்வதே இதன் நோக்கமாகும்.

ஏர் ஆம்புலன்ஸ் சேவைகளின் மேம்பாடு குறித்து அப்போலோ மருத்துவமனையின் நிர்வாகத் துணைத் தலைவர் டாக்டர் ப்ரீதா ரெட்டி [Dr. Preetha Reddy, Executive Vice Chairperson, Apollo Hospitals] கூறுகையில், “மிகவும் நெருக்கடியான சூழ்நிலைகளில், சரியான மருத்துவமனையை விரைவாகச் சென்றடைவது ஒரு உயிரைக் காப்பாற்றுவதில் மிகப்பெரிய மாற்றத்தை ஏற்படுத்தும். ஆழ்ந்த நிபுணத்துவம் பெற்ற ஏர் ஆம்புலன்ஸ் நிறுவனங்களுடன் நாங்கள் வைத்துள்ள கூட்டு செயல்பாடுகளின் மூலம், நோயாளிகள் மற்றும் அவர்களது குடும்பத்தினர் நகரங்களுக்கு இடையேயும், நாடுகளுக்கு இடையேயும் உயர்தர சிகிச்சைகளை ஒருங்கிணைந்த மற்றும் வெளிப்படையான முறையில் பெறுவதை நாங்கள் எளிதாக்குகிறோம். எங்களது 1066 உதவி மையத்தை இதனுடன் இணைப்பதன் மூலம், மருத்துவ ஒருங்கிணைப்பு மற்றும் மருத்துவமனையின் தயார்நிலை ஆகியவற்றால் நோயாளிகள் பெரும் பலன்களை அடைய முடிகிறது. இது நோயாளிக்குத் தேவையான சிகிச்சை மிக அவசியமான நேரத்தில் தடையின்றி கிடைப்பதை உறுதி செய்கிறது,” என்றார்.

முதல் கட்டமாக, உள்நாட்டு மற்றும் சர்வதேச இடமாற்றங்களுக்காக ப்ளூடாட் சார்ட்டர்ஸ் & ஏர் ஆம்புலன்ஸ் சர்வீசஸ், யுஏஇ [Bluedot Charters and Air Ambulance Services, UAE], ஏரோமெட் இன்டர்நேஷனல் ரெஸ்க்யூ சர்வீசஸ் [AeroMed International Rescue Services Pvt Ltd], ஜங்கார் ஏவியேஷன் ப்ரைவேட் லிமிடெட் [Jhankar Aviation Pvt. Ltd], ஐ-கேட் (iCATT) ஹெல்த் சொல்யூஷன்ஸ் ப்ரைவேட் லிமிடெட் [iCATT Health Solutions Pvt. Ltd], ஏர் ரெஸ்க்யூர்ஸ் வேர்ல்ட் வைய்ட் ப்ரைவேட் லிமிடெட் [Air Rescuers World Wide Pvt. Ltd], வேதாந்த் ஏர் ரெஸ்க்யூ ப்ரைவேட் லிமிடெட் [Vedant Air Rescue Pvt. Ltd], ஏரோகேர் ஏர் ஆம்புலன்ஸ் சர்வீஸ் [AeroCare Air Ambulance Service], ஆயுசேவா ஏர் & ட்ரெயின் ஆம்புலன்ஸ் [Ayusewa Air & Train Ambulance], ஏர் மெடிக்கல் 24X7 ப்ரைவேட் லிமிடெட் [Air Medical 24X7 Pvt.Ltd] மற்றும் பிளாப்ஸ் ஏவியேஷன் ப்ரைவேட் லிமிடெட் [Flaps Aviation Private Ltd] உள்ளிட்ட பல நிறுவனங்களுடன் அப்போலோ மருத்துவமனை ஒப்பந்தம் செய்துள்ளது. அதிநவீன டெர்ஷியரி மற்றும் குவாட்டர்னரி (Tertiary and Quaternary) சிகிச்சை மையங்களுக்கு விரைவாக மாற்றப்பட வேண்டிய, உயிருக்கு ஆபத்தான நிலையில் உள்ள நோயாளிகளுக்கு, ஒருங்கிணைந்த ஏர் ஆம்புலன்ஸ் ஆதரவை விரிவுபடுத்துவதே இந்தக் கூட்டு செயல்பாடுகளின் முக்கிய நோக்கமாகும்.

அப்போலோ மருத்துவமனையின் அவசரச் சிகிச்சைப் பிரிவின் கிளினிக்கல் டைரக்டர் டாக்டர் தவபழனி அழகப்பன் [Dr. Dhavapalani Alagappan, Clinical Director, Emergency Departments, Apollo Hospitals] கூறுகையில், “ஏர் ஆம்புலன்ஸ்கள் உயிர் காக்கும் நவீன கருவிகள், வென்டிலேட்டர்கள், டிஃபிரிலேட்டர்கள் மற்றும் பிற மேம்பட்ட மருத்துவ உபகரணங்களைக் கொண்டுள்ளன. இது தீவிர சிகிச்சைகள் தேவைப்படும் நிலையில் உள்ள நோயாளிகள், மருத்துவமனைக்குச் செல்லும் பயணத்தின் போதும் கூட தீவிர சிகிச்சைப் பிரிவில் (ICU) இருப்பது போன்ற பராமரிப்பைப் பெற உதவுகிறது. இந்தப் பயணம் முழுவதும், பயிற்சி பெற்ற மருத்துவக் குழு மற்றும் சான்றிதழ் பெற்ற மருத்துவர்கள் நோயாளிகளைக் கண்காணித்து, அவர்களுக்குத் தேவையான மருந்துகள் மற்றும் சிகிச்சைகளை வழங்கி நோயாளி சீரான நிலையில் இருப்பதை உறுதி செய்வார்கள். தீவிர சிகிச்சைப் பிரிவுகளில் வழங்கப்படும் அதே தரமான சிகிச்சை, இடமாற்றத்தின் போதும் தொடர வேண்டும் என்பதில் நாங்கள் உறுதியாக இருக்கிறோம்,” என்றார்.

அப்போலோ மருத்துவமனையின் ஹெல்த்கேர் லாஜிஸ்டிக்ஸ் பிரிவின் முதன்மைச் செயல்பாட்டு அதிகாரி டாக்டர் ராமகிருஷ்ணா விஜய் வர்மா [Dr. Ramakrishna Vijay Varma, Chief Operating Officer, Healthcare Logistics, Apollo Hospitals] கூறுகையில், “அப்போலோவின் அவசரக்கால உதவி எண்ணான 1066-க்கு அழைப்பு வந்தவுடன், எங்களது அவசரகால மீட்புக் குழு நோயாளியின் நிலையை ஆய்வு செய்து, மிகவும் பொருத்தமான போக்குவரத்து முறையைத் தீர்மானித்து, கூட்டு நிறுவனங்களுடன் இணைந்து இடமாற்றத்தை ஒருங்கிணைக்கும். விமானப் போக்குவரத்து தொடர்பான பணிகளைக் கூட்டு நிறுவனம் கவனித்துக் கொள்ளும். சமீப காலங்களில் இந்தச் சேவையைப் பயன்படுத்திய எங்களது வாடிக்கையாளர்கள் குறிப்பிட்டு சொல்லுமளவிற்கு தங்களது செலவைக் குறைத்து பெரியளவில் சேமித்துள்ளனர். ஏனெனில் கட்டணங்கள் ஏற்கனவே நிர்ணயிக்கப்பட்டவை, இதில் இடைத்தரகர்களின் குறுக்கீட்டிற்கு வாய்ப்பே இல்லை,” என்றார்.

இந்தத் திட்டம், அப்போலோவின் தற்போதைய அவசரக்கால சிகிச்சை கட்டமைப்பை நாடு தழுவிய 1066 நெட்வொர்க்குடன் இணைக்கிறது. இதன் மூலம் அப்போலோவின் அவசரகால சிகிச்சைகளை ஒருங்கிணைக்கும் நிபுணத்துவம், விமானங்களைச் சென்றடைவதற்கான ஆம்புலன்ஸ் சேவை, விமான நிலையத்திலிருந்து மருத்துவமனை செல்வதற்கான போக்குவரத்து வசதி மற்றும் ஏர் ஆம்புலன்ஸ் போக்குவரத்து என ஒரு முழுமையான 'பெட்-டு-பெட்' (Bed-to-bed) இடமாற்ற வசதி கிடைக்கிறது. இது தொலைதூரப் பகுதிகள், இரண்டாம் மற்றும் மூன்றாம் நிலை நகரங்கள் மற்றும் சர்வதேச இடங்களிலிருந்து நோயாளிகள் உயர்தர சிகிச்சையைத் தடையின்றி பெற உதவும்.

இத்திட்டத்தின் அறிமுகத்தின் மூலம், அப்போலோ மருத்துவமனை ஒருங்கிணைந்த அவசரக்காலப் போக்குவரத்து மற்றும் நோயாளிகளுக்கான சிகிச்சைகளை எளிதில் கிடைக்க செய்யும் வாய்ப்பு ஆகியவற்றில் தனது கவனத்தை மேலும் தீவிரப்படுத்தியுள்ளது. உயர்தர சிகிச்சையைப் பெறுவதற்கு 'நேரம்' மிக முக்கியமாகி வரும் இந்தக் காலத்தில், நகரங்களுக்கு இடையேயும் நாடுகளுக்கு இடையேயும் அவசர மருத்துவ இடமாற்றங்களுக்கான ஒரு வலுவான கட்டமைப்பை இது உருவாக்கியுள்ளது என்பது குறிப்பிடத்தக்கது.