ஜெயா டிவியில் ஆங்கில புத்தாண்டன்று ஒளிபரப்பாகவிருக்கும் நிகழ்ச்சிகள் ’நாளை நமதே’
ஜெயா டிவியில் ஆங்கில புத்தாண்டன்று ஒளிபரப்பாகவிருக்கும் நிகழ்ச்சிகள்
’நாளை நமதே’
ஜெயா டிவியில் வரும் ஆங்கில புத்தாண்டன்று ஒளிபரப்பாகவிருக்கும் நிகழ்ச்சி ‘நாளை நமதே’. இதில் தமிழகத்தின் பிரபல ஜோதிடர்களான ஆச்சார்யா திரு.ஹரீஷ் ராமன், நங்கநல்லூர் பஞ்சநாதன், திருக்கோயிலூர் ஹரிபிரசாத் ஷர்மா, நாகை சுந்தரமூர்த்தி ஆகியோர் பங்கேற்று 2024ம் ஆண்டில் மேஷம் முதல் மீனம் வரையிலான 12 ராசியினருக்கும் எப்படியிருக்கப்போகிறது என்பது குறித்து விரிவாக விளக்கவுள்ளனர். அதோடு, புத்தாண்டில் இந்தியாவில் குறிப்பாக தமிழகத்தில் என்ன மாதிரியான மாற்றங்கள் ஏற்படப்போகிறது, இயற்கை சீற்றங்கள் இல்லாத ஆண்டாக வரும் ஆண்டு அமையுமா, திரைத்துறைக்கு 2024 எப்படியிருக்கப் போகிறது என்பன உள்ளிட்ட பல்வேறு கேள்விகளுக்கு ஜோதிடர்கள் நுட்பமாக கணித்து பதில் சொல்கின்றனர். இந்நிகழ்ச்சியை உமா தொகுத்து வழங்குகிறார். ’நாளை நமதே’ நிகழ்ச்சி ஜனவரி 1ம் தேதி திங்கட்கிழமை காலை 6.30 மணிக்கு ஜெயா டிவியில் ஒளிபரப்பாகவுள்ளது.
